Partia Demokratike e Kosovës i ka dërguar një letër zyrtare Ushtrueses së Detyrës së Presidentes, Albulena Haxhiu, duke kërkuar procedimin e emërimit të anëtarit të dytë të PDK-së në Komisionin Qendror të Zgjedhjeve (KQZ). PDK thekson se përbërja e KQZ-së ka mbetur e papërfunduar gjatë mandatit të ish-Presidentes Vjosa Osmani dhe se përfaqësimi me dy anëtarë nuk është çështje interpretimi politik, por një e drejtë kushtetuese. Në letër, PDK nënvizon rëndësinë e respektimit të praktikave institucionale të deritanishme dhe parimeve të barazisë dhe balancës mes subjekteve politike në KQZ. Sipas nenit 139, paragrafi 4 të Kushtetutës së Kosovës, PDK argumenton se vendet në KQZ duhet të ndahen proporcionalisht në bazë të përfaqësimit në Kuvend, duke siguruar kështu përfaqësim të drejtë për të gjitha grupet parlamentare.