Partia Demokratike e Kosovës (PDK) ka kërkuar sot konstituimin e menjëhershëm të Kuvendit të Kosovës, duke theksuar nevojën për përfundimin e krizës shtetërore që sipas saj është shkaktuar nga kryeministri në detyrë, Albin Kurti. Kjo kërkesë vjen në ditën e 27-të të asaj që PDK e quan “përmbysje e rendit kushtetues”. PDK ka bërë thirrje për mbështetje nga të gjithë ata që mbrojnë demokracinë dhe funksionimin normal të institucioneve, duke ftuar për pjesëmarrje në seancën e paralajmëruar për sot në orën 11:00. Partia thekson rëndësinë e pranisë në sallën e Kuvendit për të siguruar një zgjidhje të shpejtë dhe për të rivendosur stabilitetin në vend.