Deputetët e Partisë Demokratike të Kosovës i kanë dërguar një kërkesë kryesuesit të seancës konstituive, Avni Deharit, për të thirrur vazhdimin e saj më 28 gusht në ora 11:00. PDK thekson se moskonstituimi i Kuvendit brenda afatit kushtetues ka krijuar një situatë të rëndë për shkak të shkeljes së Kushtetutës dhe mosrespektimit të aktgjykimeve të Gjykatës Kushtetuese. Në letër, Vlora Çitaku nënvizon se roli i kryesuesit është i kufizuar dhe i përcaktuar nga Kushtetuta dhe rregulloret, duke kërkuar që procesi i konstituimit të mos pengohet më tej. PDK kërkon që pa vonesa të thirret seanca dhe të mundësohet ushtrimi i mandatit kushtetues të deputetëve të zgjedhur, duke paralajmëruar se mosveprimi do të thellojë krizën institucionale.