Partia Demokratike e Kosovës (PDK) ka njoftuar se do të mbajë sot një konferencë për media në selinë qendrore të partisë, me fillim nga ora 14:00. Në këtë konferencë pritet të trajtohen zhvillimet e fundit politike në vend, përfshirë moszgjedhjen e Presidentit të ri dhe vendimin e presidentes Vjosa Osmani për shpërbërjen e Kuvendit dhe thirrjen e zgjedhjeve të reja. Deri më tani, nga PDK nuk është bërë e ditur në mënyrë zyrtare arsyeja e thirrjes së kësaj konference, por pritet që ajo të fokusohet në situatën aktuale politike dhe qëndrimet e partisë lidhur me këto zhvillime. Kjo ngjarje vjen në një moment të tensionuar politik në Kosovë, ku vendimi i presidentes ka shkaktuar reagime të ndryshme në skenën politike.