Partia Demokratike e Kosovës (PDK) ka reaguar ndaj raportimeve që pretendonin se asaj i është ofruar posti i Presidentit, duke i cilësuar këto pretendime si të pavërteta dhe spekulative. Në një komunikatë zyrtare, PDK thekson se informacionet e tilla nuk qëndrojnë dhe bën thirrje për raportim vetëm mbi baza të verifikuara. Gjatë ditës, PDK mbajti mbledhjen e Kryesisë dhe të Grupit Parlamentar, ku u vendos që në ditët në vijim të thirret Këshilli Drejtues për të diskutuar zhvillimet aktuale politike dhe për të përcaktuar hapat e mëtejshëm të partisë. PDK gjithashtu deklaron se mbetet e hapur për bashkëpunim dhe e gatshme të ofrojë informata të sakta dhe në kohë për çdo çështje me interes publik.