Partia Demokratike e Kosovës ka mbajtur mbledhjen e Kryesisë ku u diskutuan përgatitjet për procesin e zgjedhjeve të brendshme në të gjitha nivelet, duke filluar nga nëndegët deri te zgjedhja e kryetarit. Kryetari Bedri Hamza theksoi rëndësinë e zhvillimit të një procesi korrekt, transparent dhe me standarde të larta demokratike në çdo fazë të zgjedhjeve. Në këtë kuadër, Kryesia vendosi formimin e një grupi punues që do të merret me aspektet teknike dhe ligjore të organizimit të zgjedhjeve, duke siguruar mbarëvajtjen dhe strategjinë e përgjithshme të procesit. Zgjedhjet e brendshme pritet të fillojnë në muajin shtator, duke i dhënë kohë strukturave organizative për përgatitje të plotë dhe gjithëpërfshirëse, ndërsa Kryesia riafirmoi angazhimin për një proces demokratik dhe përfaqësues në përputhje me traditën e partisë.