Partia Demokratike e Kosovës do të mbajë sot një konferencë për media në hollin e Kuvendit të Republikës së Kosovës, duke filluar nga ora 11:00. Në këtë konferencë pritet të bëhen të ditura qëndrimet e PDK-së lidhur me zhvillimet aktuale politike, pas një periudhe aksionesh dhe kërkesash për thirrjen e seancës konstituive të Kuvendit. PDK ka akuzuar kryeministrin në detyrë, Albin Kurti, për shkelje të rendit kushtetues dhe uzurpim të institucioneve, ndërsa kryesuesi i seancës, Avni Dehari, ka caktuar vazhdimin e saj më 9 shtator. Kjo konferencë vjen në një moment kyç, pasi afati kushtetues për konstituimin e Kuvendit ka përfunduar më 7 gusht.