Partia Demokratike e Kosovës mbajti mbledhjen e rregullt të Kryesisë ku u diskutuan zhvillimet politike dhe përgatitjet për Zgjedhjet e Përgjithshme të 7 qershorit. Kryetari Bedri Hamza shprehu mirënjohje për deputetin Ferat Shala, i cili vendosi të mos kandidojë, por do të vazhdojë angazhimin brenda strukturave të partisë si anëtar i Kryesisë. Në mbledhje u vendos unanimisht që ish-kryetari Memli Krasniqi të udhëheqë shtabin zgjedhor dhe fushatën e PDK-së. Gjithashtu, u diskutua për mobilizimin e plotë të strukturave të partisë për regjistrimin e votuesve dhe përkrahësve në diasporë, ndërsa PDK shprehu gatishmërinë për të përfshirë personalitete të reja në listën zgjedhore.