Sekretarja e Përgjithshme e PDK-së, Vlora Çitaku, ka theksuar se debati për gazin amerikan është më shumë se një çështje teknike; është një çështje e sigurisë kombëtare dhe pozicionimit strategjik të Kosovës në arenën ndërkombëtare. Ajo ka kritikuar qeverisjen aktuale për mosmbështetjen e projekteve që do të siguruan pavarësi energjetike dhe ka premtuar se PDK-ja do ta rikthejë këtë projekt në agjendën shtetërore sapo të marrë drejtimin e qeverisë. Anëtari i kryesisë së PDK-së, Arben Mustafa, ka theksuar koston e lartë që qytetarët dhe bizneset po paguajnë për shkak të varësisë nga importi i energjisë dhe ka denoncuar modelin ekonomik që favorizon ndërmjetësit në vend të prodhimit vendor. Sipas tyre, projekti amerikan i gazit është një mundësi strategjike që Kosova nuk duhet ta humbasë, pasi lidhet me zhvillimin ekonomik, sigurinë kombëtare dhe partneritetin me Shtetet e Bashkuara të Amerikës.