Pas përplasjeve të djeshme në Kuvend, Partia Demokratike e Kosovës ka njoftuar rikthimin e saj aktiv në institucion. Deputetja Vlora Çitaku ka paralajmëruar se PDK do të paraqesë sërish kërkesë për seancë brenda 48 orëve dhe do të jetë e pranishme në Kuvend edhe sot. Ajo theksoi se aktiviteti i partisë nuk do të kufizohet vetëm brenda Kuvendit, por do të vazhdojë edhe jashtë tij, përmes takimeve dhe bashkëbisedimeve me qytetarë, mjekë, studentë dhe përfaqësues të ndryshëm të shoqërisë. Sipas Çitakut, situata aktuale përfaqëson një bllokadë institucionale më të gjerë, të cilën PDK nuk do ta lejojë, duke paralajmëruar aktivitete të tjera politike në ditët në vijim.