Pas takimit të Kryesisë së Partisë Demokratike të Kosovës, u konfirmua angazhimi i partisë për stabilitetin shtetëror dhe institucional në vend. Diskutimet u fokusuan në parimet dhe qëndrimet për procesin e zgjedhjes së presidentit, pa u shqyrtuar emra konkretë kandidatësh. Anëtari i PDK-së, Blerand Stavileci, theksoi se të gjitha strukturat e partisë janë të një konsistence të plotë dhe se fryma e stabilitetit do të vazhdojë në takimet e ardhshme. Po ashtu, PDK do të vazhdojë të paraqesë qëndrimet e saj në përputhje me dinamikat institucionale dhe zhvillimet politike në vend.