Partia Demokratike e Kosovës mbajti mbledhjen e Kryesisë ku u diskutuan zhvillimet aktuale politike dhe institucionale në vend, si dhe organizimi i brendshëm i partisë. Kryetari Hamza dhe anëtarët e kryesisë vendosën të thërrasin mbledhjen e Këshillit Drejtues më 20 prill për të diskutuar më tej çështjet e rëndësishme politike. Pas kësaj mbledhjeje, PDK do të publikojë një Deklaratë Politike që do të formalizojë qëndrimet dhe veprimet e partisë lidhur me aktualitetin politik dhe nevojat e qytetarëve. Gjatë diskutimeve u theksua rëndësia e mobilizimit të strukturave të partisë për angazhim më të madh në proceset politike në shërbim të qytetarëve.