Parlamenti Evropian ka miratuar një raport strategjik për zgjerimin e Bashkimit Evropian, duke theksuar rëndësinë e këtij procesi si një përgjigje ndaj sfidave gjeopolitike dhe si një investim kyç për sigurinë dhe stabilitetin e BE-së. Në raport përfshihet Kosova si pjesë e prioriteteve strategjike, ku dialogu ndërmjet Prishtinës dhe Beogradit konsiderohet thelbësor për avancimin drejt anëtarësimit dhe për stabilitetin rajonal. Po ashtu, theksohet se Shqipëria dhe Mali i Zi kanë vendosur objektiva ambicioze për përfundimin e negociatave të anëtarësimit deri në fund të viteve 2026 dhe 2027, ndërsa BE-ja duhet t’i mbështesë këto përpjekje me reforma konkrete. Eurodeputetët kanë bërë thirrje që anëtarësimi të bazohet në meritë dhe të mos trajtohet si pjesë e një pakoje, duke nënvizuar se përputhja me politikën e përbashkët të jashtme dhe të sigurisë të BE-së është një parakusht kyç për vendet kandidate.