Ambasadori gjerman në Kosovë, Rainer Rudolph, ka theksuar rëndësinë që Millan Radoiçiq dhe të gjithë të përfshirët në sulmin terrorist në Banjskë të përballen me drejtësinë. Ai ka bërë thirrje që autoritetet serbe të dorëzojnë Radoiçiqin, i cili ka marrë përgjegjësinë për organizimin e sulmit ku u vra rreshteri i Policisë së Kosovës, Afrim Bunjaku, më 24 shtator 2023. Në prill të këtij viti, disa anëtarë të grupit të Radoiçiqit u dënuan me burgim të përjetshëm për këtë ngjarje. Rudolph ka nënvizuar se përballja me drejtësinë është kusht i rëndësishëm dhe kërkesë e vazhdueshme nga komuniteti ndërkombëtar.