Zëvendëskryeministrja dhe Ministrja e Drejtësisë në detyrë, Donika Gërvalla, vizitoi organizatën “Diakonie Kosova”, e cila prej 25 vitesh ofron programe sociale në Mitrovicë dhe Fushë-Kosovë. Gjatë vizitës, ajo vuri në dukje rëndësinë e përfshirjes sociale si një punë të përditshme dhe përkushtim të sinqertë ndaj grave, vajzave dhe familjeve që përfitojnë nga trajnime në rrobaqepësi, kuzhinë dhe parukeri, si dhe mbështetje psikologjike dhe shëndetësore. Gërvalla theksoi se përfshirja sociale nuk duhet të shihet si ndihmë njëanshme, por si bashkëpunim që forcon institucionet dhe komunitetet. Ajo nënvizoi se kjo është një përgjegjësi shtetërore dhe jo një zgjedhje politike, duke bërë thirrje për mbështetje dhe zgjerim të modeleve të tilla të mirëfunksionimit.