Ka përfunduar mbledhja e Grupit Parlamentar të Lëvizjes Vetëvendosje, e cila u zhvillua në ambientet e Kuvendit të Kosovës dhe ishte fokusuar në zgjedhjen e presidentit të ri të vendit. Deputetët e LVV-së, përfshirë edhe Agim Bahtirin dhe Arjeta Fejzën, janë parë duke dalë nga mbledhja, por nuk kanë pranuar të japin deklarata për media në lidhje me ndonjë vendim të marrë. Nga ana e partisë nuk ka pasur ende ndonjë njoftim zyrtar për propozimin e kandidatit për president. Procesi i zgjedhjes së presidentit duhet të përfundojë deri në mesnatën e nesërme, ndërsa Lëvizja Vetëvendosje ka premtuar se do të informojë publikun më vonë.