Pas katër viteve shërbim në Kosovë, ambasadori i Francës, Olivier Guerot, ka përfunduar misionin e tij diplomatik në vend. Ambasada franceze ka vlerësuar se gjatë këtij mandati janë forcuar lidhjet dhe miqësia ndërmjet Francës dhe Kosovës, duke e cilësuar kontributin e Guerot si shumë të rëndësishëm. Në një mesazh në rrjetet sociale, Ambasada i ka shprehur mirënjohje dhe falënderim për përkushtimin e tij gjatë këtyre viteve. Ajo gjithashtu i ka uruar ambasadorit sukses në angazhimet e tij të ardhshme, duke theksuar rolin e tij në avancimin e marrëdhënieve bilaterale.