Procesi i numërimit të votave nga zgjedhjet e jashtëzakonshme parlamentare të 7 qershorit në komunën e Mitrovicës së Veriut ka përfunduar. Ushtruesi i detyrës së Komisionit Komunal Zgjedhor, Faton Loshi, njoftoi se materialet zgjedhore tashmë janë dërguar për verifikim në Qendrën e Numërimit dhe Rezultateve në Prishtinë, duke theksuar se procesi ka kaluar pa probleme. Sipas rezultateve preliminare të KQZ-së, Lëvizja Vetëvendosje është partia e parë me 42.95% të votave, ndjekur nga PDK me 21.14%, LDK me 17.60% dhe Aleanca me 7.16%. Zgjedhjet e 7 qershorit shënuan një dalje më të ulët të qytetarëve në krahasim me dy palë zgjedhje parlamentare të vitit 2025.