Ministri i Mjedisit Jetësor dhe Planifikimit Hapësinor të Maqedonisë së Veriut, Muamet Hoxha, zhvilloi një takim bilateral me Fatma Varank, drejtoreshë ekzekutive e COP31 dhe zëvendësministre e Mjedisit të Turqisë, në kuadër të MEF 2026. Gjatë takimit u diskutuan sfidat klimatike aktuale, tranzicioni energjetik dhe përgatitjet për Konferencën e Kombeve të Bashkuara për Ndryshimet Klimatike, që do të mbahet në Antalia. Palët theksuan rëndësinë e bashkëpunimit rajonal dhe bilateral për përballimin e ndryshimeve klimatike, duke nënvizuar nevojën për përshpejtimin e politikave klimatike përmes investimeve dhe shkëmbimit të njohurive. Ministri Hoxha shprehu mbështetjen për presidencën turke të COP31 dhe gatishmërinë e Maqedonisë së Veriut për të kontribuar në mënyrë aktive në arritjen e rezultateve konkrete për rajonin.