Komisioni Qendror i Zgjedhjeve do të mbajë një mbledhje të rëndësishme për të shqyrtuar dhe finalizuar përgatitjet për zgjedhjet e parakohshme të 7 qershorit. Në fokus do të jenë miratimi i planit operacional të sigurisë, programi i trajnimeve për stafin zgjedhor, si dhe organizimi i votimit përmes postës jashtë Kosovës. Anëtarët e KQZ-së do të diskutojnë gjithashtu dizajnin dhe përmbajtjen e fletëvotimit dhe broshurës informuese për zgjedhjet parlamentare. Në kuadër të mbledhjes do të trajtohen edhe çështje financiare, përfshirë raportin tremujor financiar dhe draft-vendimet për pagesat e stafit të angazhuar në procesin zgjedhor.