Kryetari i Komunës së Skenderajt, Sami Lushtaku, ka kujtuar me nderim dëshmorët e familjeve Osmani dhe Saliku, si dhe të gjithë dëshmorët e rënë në fshatin Baks para 27 vjetësh. Ai theksoi se sakrifica e tyre për lirinë dhe dinjitetin e Kosovës do të mbetet e gjallë në historinë dhe kujtesën kolektive të komunitetit. Me rastin e përvjetorit, janë organizuar homazhe dhe përkujtim pranë shtatores së dëshmorëve në Baks dhe Marinë, duke nderuar veprën heroike të Xhevat Osmanit, Sejdi Osmanit dhe Hysen Zeqirit. Lushtaku përfundoi me një mesazh lavdie të përjetshme për të gjithë dëshmorët që dhanë jetën për lirinë e Kosovës.