Në 27-vjetorin e rënies heroike të dëshmorëve të Ushtrisë Çlirimtare të Kosovës në Betejën e Majdanit, komuna e Vushtrrisë organizoi një ceremoni përkujtimore. Kryetari Ferit Idrizi, së bashku me kabinetin qeveritar, deputetë, gjeneralë, dhe përfaqësues të shoqatave të dala nga lufta e UÇK-së, bënë homazhe tek Varrezat e Dëshmorëve në Bletaj. Ata nderuan kujtimin e Arsim Muzaqit, Rrustem Hysenit, Shemsi Istrefit dhe Enver Musës, të cilët ranë heroikisht pas një beteje 46-ditore në fshatin Melenicë si pjesë e Brigadës 141 të Zonës Operative të Shalës. Ferit Idrizi theksoi se trimëria dhe sakrifica e tyre mbeten udhërrëfyes për brezat e ardhshëm dhe u shpreh me fjalët “Lavdi e përjetshme të gjithë dëshmorëve të kombit”.