Në Drenas u mbajt një ceremoni përkujtimore në nderim të tre dëshmorëve Kadri, Avdi dhe Xhevdet Karaqica, të rënë në Gllanasellë. Ngjarja u zhvillua pranë Memorialit ku prehen dëshmorët dhe morën pjesë kryetari i komunës Ramiz Lladrovci, anëtarë të kabinetit, veteranë të UÇK-së, familjarë dhe qytetarë. Të pranishmit bënë homazhe dhe vendosën lule për të nderuar jetën dhe sakrificën e tyre. Kryetari Lladrovci theksoi se sakrifica e këtyre dëshmorëve është gurthemel i lirisë së sotme dhe frymëzim për brezat e ardhshëm.