Ministri i Drejtësisë, Jeton Shasivari, zhvilloi një takim me përfaqësuesen e UNICEF-it, Lesli Miller, ku u diskutuan hapa të rëndësishëm për përmirësimin e sistemit të drejtësisë për fëmijët. Prioritet kryesor mbetet interesi më i mirë i fëmijës, në përputhje me Konventën për të Drejtat e Fëmijës, duke theksuar nevojën për specializim dhe trajnime të vazhdueshme për profesionistët që punojnë me fëmijët, veçanërisht ata viktima ose dëshmitarë të dhunës dhe krimit. Ligji i ri për Drejtësinë për Fëmijët dhe aktet nënligjore synojnë të krijojnë procedura të qarta dhe standarde për zbatimin e drejtë dhe të barabartë të të drejtave të fëmijëve në sistemin gjyqësor. Ministria e Drejtësisë është e përkushtuar të krijojë kushte institucionale ku të drejtat e çdo fëmije respektohen dhe mbrohen në mënyrë të plotë.