Deputeti i Partisë Demokratike të Kosovës, Përparim Gruda, ka kritikuar ashpër Vetëvendosjen lidhur me procesin e zgjedhjes së Presidentit të ri. Ai tha se VV ka rënë pre e një standardi të ndërtuar vet, duke u tallur me proceset politike dhe duke mos marrë seriozisht dialogun politik për këtë çështje. Gruda theksoi se Vetëvendosja ka menduar se opozita është e dobësuar pas zgjedhjeve dhe do të votojë çdo kandidat të propozuar, përfshirë edhe Glauk Konjufcën, por kjo pritshmëri nuk është realizuar. Ai përshkroi sjelljen e VV-së si një mosrespektim të procesit politik dhe një sfidë për dialogun në vend.