Kryetari i Prishtinës, Përparim Rama, së bashku me drejtorët komunalë, bëri homazhe pranë shtatores së heroit Zahir Pajaziti në sheshin me të njëjtin emër, duke nderuar sakrificën e Ushtrisë Çlirimtare të Kosovës në rrugën drejt lirisë dhe pavarësisë. Rama theksoi se liria që Kosova gëzon sot i detyrohet UÇK-së dhe se sakrifica e luftëtarëve ka rezultuar me pavarësinë e vendit. Ai njoftoi se pas homazheve në Prishtinë, do të vazhdojnë në Prekaz për të nderuar familjen e komandantit legjendar Adem Jashari dhe të gjithë dëshmorët e rënë. Ndërkaq, kryetari i shoqatës së familjarëve të dëshmorëve, Naser Pacolli, vuri në dukje mungesën e investimeve të mjaftueshme në varrezat e dëshmorëve dhe apeloi për bashkëpunim institucional për përmirësimin e kushteve dhe kujdesin ndaj dëshmorëve dhe të zhdukurve.