Kryetari i Prishtinës, Përparim Rama, ka konfirmuar vazhdimin e Adelina Sahitit në pozitën e drejtoreshës për Mirëqenie Sociale për një mandat të ri. Ai ka theksuar se puna për përmirësimin e mirëqenies së qytetarëve do të vazhdojë me përkushtim dhe angazhim të shtuar. Rama ka vlerësuar kontributin e Sahitit në forcimin e shërbimeve sociale dhe mbështetjen e kategorive në nevojë, duke e cilësuar mirëqenien sociale si një nga prioritetet kryesore të qeverisjes në kryeqytet. Në postimin e tij në Facebook, kryetari ka nënvizuar se mirëqenia sociale është një përgjegjësi e përbashkët për të ndërtuar një qytet më të drejtë dhe më të kujdesshëm ndaj çdo qytetari.