Kryetari i komunës së Prishtinës, Përparim Rama, mori pjesë në ceremoninë e 27-vjetorit të Policisë së Kosovës, ku u vlerësua roli i rëndësishëm i forcave të rendit në garantimin e sigurisë dhe stabilitetit shoqëror. Në këtë ngjarje u nderuan angazhimi, profesionalizmi dhe sakrifica e grave dhe burrave të Policisë, të cilët çdo ditë shërbejnë vendin dhe qytetarët. Komuna e Prishtinës përmes një postimi në Facebook theksoi se siguria është themeli i një kryeqyteti funksional dhe i një shoqërie të qëndrueshme. Mesazhi i Ramës dhe i komunës shprehu mirënjohje të thellë për përkushtimin e policëve në shërbim të komunitetit.