Kryetari i Komunës së Prishtinës, Përparim Rama, ka reaguar pas publikimit të fotografive që tregojnë gjendjen e rëndë në Klinikën e Pediatrisë në Qendrën Klinike Universitare të Kosovës (QKUK). Ai ka ndarë imazhe nga reparti i Pediatrisë në Qendrën Kryesore të Mjekësisë Familjare (QKMF) në Prishtinë, duke theksuar se investimet në shëndetësinë primare kanë krijuar ambiente moderne, funksionale dhe në shërbim të qytetarëve. Rama ka nënvizuar se ndryshimi i vërtetë vjen kur punohet për qytetarët dhe jo për pushtet, duke theksuar se kjo shihet dhe përjetohet nga çdo familje që viziton këto hapësira. Ky reagim vjen si një përgjigje ndaj skandalit të ekspozuar në QKUK, duke nxjerrë në pah kontrastin mes kushteve në dy institucione shëndetësore të kryeqytetit.