Vjosa Osmani, deputete e Lidhjes Demokratike të Kosovës, ka reaguar ashpër ndaj ofertës së Albin Kurtit dhe Lëvizjes Vetëvendosje për marrëveshjen politike, duke e cilësuar atë si një tentativë për poshtërim. Sipas saj, LDK u vlerësua më pak se partitë minoritare dhe nuk u trajtua si partner i barabartë në negociata, duke marrë vetëm tre ministri dhe asnjë nga institucionet kryesore. Osmani theksoi se oferta nuk ishte serioze, parimore apo e drejtë dhe se qëllimi i VV ishte nënshtroja dhe poshtërimi i LDK-së, jo bashkëqeverisja. Ajo gjithashtu mohoi pretendimet se kryeparlamentari do t’i ofrohej LDK-së vetëm nëse kjo parti nuk do të ishte pjesë e qeverisë.