Kryenegociatori i Kosovës me Bashkimin Evropian, Jeton Zulfaj, i është përgjigjur kritikave të kryetarit të Prishtinës, Përparim Rama, duke thënë se ky i fundit nuk e njeh procesin e integrimeve evropiane dhe reformat që janë pjesë e Planit të Rritjes. Zulfaj theksoi se Qeveria nuk ka bllokuar asnjë proces, por përgjegjësinë për vonesat në miratimin e ligjeve e ka hedhur te opozita dhe bllokada në Kuvend. Ai paralajmëroi se për shkak të këtyre bllokimeve, Kosova rrezikon të humbasë mbi 40 milionë euro nga fondet e Bashkimit Evropian. Zulfaj shtoi se reformat do të vazhdojnë sapo të formohen institucionet e reja, por afatet e përcaktuara nga BE-ja nuk janë respektuar.