Kryetari i Parlamentit Studentor të UEJL-së, Besjan Rexhepi, i është përgjigjur ministrit të Drejtësisë, Jeton Shasivari, lidhur me çështjen e Jurisprudencës. Ministri ka paralajmëruar një takim me studentët dhe dekanët për të diskutuar një zgjidhje ligjore, ndërsa Rexhepi thekson se qëndrimet e studentëve janë të qarta dhe të pandryshuara. Ai nënvizon se kërkesa e tyre bazohet në Kushtetutën dhe ligjet në fuqi që garantojnë të drejtat gjuhësore dhe barazinë, duke kërkuar vullnet institucional për zbatimin e tyre pa vonesa. Parlamentari Studentor pret që takimi të jetë një hap konkret drejt zgjidhjes dhe thekson se respektimi i të drejtave të studentëve nuk duhet të shtyhet nga një mandat në tjetrin.