Kryetari i Asociacionit të Komunave të Kosovës, Sazan Ibrahimi, ka deklaruar se ministri në detyrë i Administrimit të Pushtetit Lokal, Elbert Krasniqi, nuk ka të drejtë të ndërhyjë në proceset zgjedhore brenda Asociacionit. Ibrahimi thekson se Asociacioni është një organizatë joqeveritare dhe funksionon në mënyrë të pavarur nga institucionet qeveritare. Ai shprehu habi për mënyrën dhe legjitimitetin me të cilin ministri po përpiqet të ndikojë në punët e brendshme të Asociacionit. Ky reagim erdhi gjatë një emisioni televiziv, ku u theksua se ndërhyrja e ministrit nuk është e bazuar në asnjë ligj apo rregull që lidhet me Asociacionin e Komunave të Kosovës.