Ish-ambasadori Sylë Ukshini ka komentuar shtyrjen e seancës konstituive të Kuvendit, e cila u bllokua për shkak të përplasjes lidhur me propozimin e Listës Serbe për nënkryetar. Ai ka theksuar se Kuvendi nuk duhet të mbahet peng nga veprimet e një deputeti dhe ka sugjeruar masa administrative ndaj tij, përfshirë heqjen e mëditjes dhe ndoshta edhe mandatit. Ukshini paralajmëroi se institucionet e Kosovës duhet të jenë të kujdesshme për të mos rënë në “kurthin” e mundshëm që mund të ndërtojnë disa grupe politike. Ai nënvizoi rëndësinë që Kuvendi të konstituohet sa më shpejt dhe të mos lejojë që agjendat e jashtme apo provokimet të pengojnë funksionimin e tij.