Deputeti i PDK-së, Uran Ismaili, i është kundërpërgjigjur ashpër deputetit të VV-së, Ejup Ahmeti, gjatë një debati në Kuvend lidhur me rrjetin e energjisë elektrike në vend. Ismaili e akuzoi Ahmetin për konflikt interesi, duke theksuar se ai është në biznes me një person që ka përfituar 22 milionë euro nga energjia elektrike brenda dy muajsh. Ai kritikoi ashpër grupin parlamentar të VV-së, duke thënë se nëse do të ishin normal, do ta kishin përjashtuar Ahmetin nga grupi për shkak të këtyre lidhjeve. Reagimi i Ismailit u shoqërua me akuza për "shthurje të vlerave" në parlament dhe përfshirjen e Ahmetit në skema që sipas tij janë në kundërshtim me moralin politik.