Gjatë një debati në emisionin Rubikon të Klan Kosovës, opinionistët Azdren Shala dhe Vehbi Kajtazi u përplasën ashpër në lidhje me lidhjet e Shalës me Lëvizjen Vetëvendosje. Kajtazi e akuzoi Shalën se i ka shërbyer një organizate kriminale, duke iu referuar periudhës kur Shala ishte aktivist i VV-së. Nga ana tjetër, Shala pranoi publikisht pjesëmarrjen e tij në këtë subjekt politik, por hodhi poshtë akuzat dhe fajësoi disa gazetarë për rritjen e VV-së dhe Albin Kurtit në pushtet. Ai gjithashtu theksoi se ka dalë nga VV-ja pasi ka parë dimensione që nuk i përkasin, duke kritikuar ndikimin e mediave në këtë proces.