Në Komisionin Ad hoc për përzgjedhjen e kandidatëve për anëtarë të Bordit të RTK-së, deputetja e Partisë Demokratike të Kosovës, Ganimete Musliu, është përplasur me deputeten e Lëvizjes Vetëvendosje, Arbëreshë Kryeziu. Përplasja nisi kur Musliu kërkoi që qytetarët që kanë aplikuar të njoftohen më herët, ndërsa Kryeziu theksoi se ata janë kandidatë dhe jo qytetarë. Musliu e pyeti nëse kandidatët janë pjesë e grupit parlamentar të Vetëvendosjes, duke kërkuar sqarime për përkatësinë e tyre. Gjatë debatit, Musliu i tha Kryeziut që të ndalojë kur ajo flet dhe kërkoi që nëse ka anëtarë të Vetëvendosjes në listë, të bëhet e ditur menjëherë.