Deputeti i PDK-së, Përparim Gruda, i ka reaguar ashpër deputetit të Lëvizjes Vetëvendosje, Artan Abrashi, pas deklaratës së tij se haraçi në bizneset e vogla financohet nga PDK-ja. Gruda e konsideroi këtë akuzë si të papranueshme dhe të dëmshme, duke theksuar se nuk mund të flitet në këtë mënyrë në Kuvend si në rrugë apo kafene. Ai kritikoi edhe kryetaren e Kuvendit, Albulena Haxhiu, për mungesë të ndërhyrjes dhe për mosndëshkimin e deklaratave të tilla. Gruda kërkoi që nëse ka akuza konkrete, të kallëzohen emrat dhe të ndërmerren masa ligjore, duke theksuar se shteti duhet të veprojë ndaj atyre që ushtrojnë haraç.