Deputetja e PDK-së, Eliza Hoxha, ka deklaruar se deputetët e partisë së saj po qëndrojnë para ndërtesës së Qeverisë për të ndaluar hyrjen e Albin Kurtit në zyrën e kryeministrit. Ajo e akuzoi Kurtin dhe ministrat e tij për ushtrim ilegal të funksioneve dhe i cilësoi si uzurpatorë. Hoxha i bëri thirrje Kurtit që të paraqitet në Kuvend për të kontribuar në konstituimin e tij dhe të propozojë emrin për kryetar të Qeverisë, duke theksuar se askush nuk mund të jetë mbi shtetin dhe Kushtetutën e Kosovës. PDK-ja paralajmëroi se do t’i drejtojë një kërkesë të re kryesuesit të seancës konstituive për thirrjen e saj, duke theksuar nevojën për themelimin e institucioneve të legjislaturës së 11-të.