Në seancën e Komisionit për Sistem Politik u zhvillua një debat i tensionuar për amendamentet e Propozim-ligjit për përfaqësim të drejtë dhe adekuat. Zëvendëskryeministri Bekim Sali refuzoi amendamentet që kërkonin të përcaktohej përfaqësimi i drejtë si obligim ligjor, duke shkaktuar reagime të ashpra nga opozita, e cila e akuzoi qeverinë për mungesë argumentesh dhe përpjekje për të bllokuar ligjin. Nga ana tjetër, përfaqësuesit e VLEN thanë se amendamentet e propozuara synojnë vetëm pengimin e miratimit dhe janë të dëmshme për qytetarët, veçanërisht për shqiptarët. Deputeti Ziadin Sela dhe anëtarë të LSDM-së theksuan rëndësinë e një ligji që garanton përfaqësim të drejtë dhe adekuat, duke paralajmëruar se ligji aktual nuk duhet të lejojë diskriminime ose privilegje të padrejta. Ligji i ri synon të zëvendësojë Balancuesin, i cili u shfuqizua nga Gjykata Kushtetuese dy vjet më parë.