Deputeti i Lëvizjes Vetëvendosje, Ilir Kërçeli, ka përsëritur ofertën e partisë së tij për një president konsensual dhe ndarjen e pozitave të larta shtetërore mes LVV-së, PDK-së dhe LDK-së. Sipas Kërçelit, LVV-ja është e gatshme të tërheqë një emër politik për president për të hapur rrugë kandidatit konsensual, duke i propozuar PDK-së kryesimin e Kuvendit dhe duke kërkuar pjesëmarrjen e LDK-së në votim, edhe nëse ata votojnë kundër.