Presidentja aktuale e Kosovës, Vjosa Osmani, e cila në vitin 2024 nuk kishte vendosur ende nëse do të kandidonte për një mandat të dytë, tashmë dëshiron të vazhdojë në krye të shtetit. Megjithatë, raportet mes saj dhe kryeministrit Albin Kurti janë ftohur dukshëm, duke krijuar dyshime në opinionin publik se Kurti po përpiqet ta largojë Osmanin nga gara presidenciale. Në këtë kontekst, në skenë ka dalë emri i Glauk Konjufcës si kandidat i mundshëm i Lëvizjes Vetëvendosje, ndërsa takimi i fundit mes Kurtit dhe Osmanit raportohet se nuk ka shkuar mirë, me Kurti që i ka thënë Osmanit se nuk do ta mbështesë për një mandat të dytë.