Deputetja e PDK-së, Ariana Musliu-Shoshi, ka akuzuar Lëvizjen Vetëvendosje për bllokadë në Kuvend, pas mosvotimit të kandidatit të PDK-së për nënkryetar. Sipas saj, kjo situatë ka zbuluar qartë qëndrimet e partive: njëra palë për funksionimin e institucioneve dhe tjetra për bllokadën. Në një postim në Facebook, Musliu-Shoshi thekson se PDK-ja ka votuar për konstituimin e Kuvendit, ndërsa LVV-ja ka refuzuar. Konflikti u thellua pasi grupet parlamentare nuk arritën marrëveshje për mënyrën e votimit të nënkryetarëve, me LVV-në që kërkoi votim të ndarë.