Ministrja në detyrë e Mjedisit dhe Planifikimit Hapësinor, Fitore Pacolli, ka reaguar ashpër ndaj protestës së opozitës në Kuvendin e Kosovës, ku kryeministri në detyrë Albin Kurti u godit me vezë. Ajo i ka cilësuar deputetët opozitarë si “të shkretë” dhe i ka akuzuar se nuk e dinë arsyen e protestës, duke u rreshtuar në të njëjtën linjë me Listën Serbe për të bllokuar institucionet. Pacolli ka bërë një krahasim me protestat e mëparshme të Vetëvendosjes, duke theksuar se ato kishin qëllime për mbrojtjen e territorit dhe kundërshtimin e Gjykatës Speciale, ndërsa protesta aktuale sipas saj është për shkak të humbjes së privilegjeve nga opozita.