Komisioni Qendror i Zgjedhjeve mbetet me një anëtar më pak, pasi po zhvillohet një garë e fortë për vendin e fundit që duhet të plotësohet. Partia Demokratike e Kosovës është e bindur se kjo pozitë i takon atyre dhe akuzon për vonesa të qëllimshme në emërimin e anëtarit të dytë nga radhët e saj. Nga ana tjetër, Lëvizja Vetëvendosje pretendon se anëtari i shtesë i përket atyre, duke krijuar një dilemë që po vonon plotësimin e përbërjes së KQZ-së. Juristët theksojnë se sipas Kushtetutës, në mungesë të përfaqësimit të plotë nga grupet parlamentare, anëtari shtesë duhet të ndahet mes partive më të mëdha, duke përfshirë PDK-në dhe VV-në, ndërsa emrat në garë janë Rashit Qalaj për PDK-në dhe Njazi Isaku për Vetëvendosjen.