Deputetja e PDK-së, Ganimete Musliu, ka kritikuar përplasjet mes presidentes Vjosa Osmani dhe kryeministrit Albin Kurti, duke theksuar se pushteti aktual në Kosovë merret më shumë me luftë për ndikim sesa me hallet reale të qytetarëve. Ajo ka theksuar se Kosova nuk ka nevojë për ego politike në majë të shtetit, por për një lidership që bashkon, respekton institucionet dhe punon për qytetarët. Musliu ka vënë në dukje se institucionet më të larta të shtetit duhet të jenë shembull i unitetit dhe përgjegjësisë, jo arenë përplasjesh dhe inatesh politike. Në përfundim, ajo ka bërë edhe një shkrim simbolik “Ju kallë bishti dhelpres!”, duke nënkuptuar nevojën për përgjegjësi në udhëheqje.