Deputeti i PDK-së, Mërgim Lushtaku, ka kritikuar ashpër veprimet e partisë më të madhe në vend, duke thënë se ajo po tallet me besimin që ka marrë nga qytetarët. Ai theksoi se në një situatë normale, Kuvendi do të duhej të ishte tashmë i konstituar, me kryetarin, nënkryetarët dhe komisionet e formuara, si dhe me procesin e zgjedhjes së presidentit në vazhdim. Lushtaku përdori një fjalë të urtë popullore për të theksuar përgjegjësinë: “njeriu çka mbjell edhe korr”. Sipas tij, për shkak të manovrimeve dhe kalkulimeve për pushtet, procesi është bllokuar dhe besimi qytetar po keqpërdoret.