Zëvendësministri Zef Morina ka inspektuar nga afër segmentin rrugor Dollc-Gjakovë dhe ka vlerësuar progresin e punimeve. Ai ka konstatuar se ritmi aktual i punimeve është më i ngadalshëm se sa ishte parashikuar në planin fillestar. Morina ka kërkuar nga kontraktuesi që të rrisë kapacitetet operative, duke përfshirë shtimin e mekanizmave dhe fuqisë punëtore, si dhe organizimin më efikas të punës. Monitorimi teknik dhe dinamik i progresit do të vazhdojë për të siguruar që projektet të përmbushin afatet dhe kushtet e kontratës.