Ministri në detyrë i Mbrojtjes, Ejup Maqedonci, ka komentuar pozitivisht deklaratën e sekretarit amerikan të Shtetit, Marco Rubio, i cili e konsideron të mundshëm anëtarësimin e Kosovës në NATO, megjithëse nuk është aktualisht në agjendë për shkak të raporteve brenda aleancës. Maqedonci ka theksuar rëndësinë e zhvillimit të kapaciteteve mbrojtëse të Kosovës, duke njoftuar investime mbi 1 miliard euro për blerjen e armatimit, infrastrukturë dhe trajnim të personelit, si dhe fillimin e prodhimit të municioneve në vend.