Drejtori i zyrës për Kosovën në qeverinë serbe, Petar Petkoviq, ka reaguar ndaj deklaratave të kryeministrit të Kosovës, Albin Kurti, duke i cilësuar si të pasakta pretendimet për integrimin e arsimit dhe shëndetësisë serbe në sistemin e Kosovës. Ai theksoi se nuk ka integrim të këtyre sistemeve dhe se skenari i tillë është parandaluar falë ndërmjetësimit të Bashkimit Europian dhe respektimit të marrëveshjeve, përfshirë formimin e Asociacionit të komunave serbe. Petkoviq shtoi se BE-ja ka njohur nevojën për funksionimin e papenguar të arsimit dhe shëndetësisë serbe në Kosovë, duke e cilësuar këtë si çështje jetike për mbijetesën e popullit serb. Ai akuzoi Kurtin se përdor çështjen e integrimit për fushatë politike dhe se planet e tij dëmshme janë penguar.